បារាំងលើកពានបាលទាត់ ក្រូអាតលើកពានបេះដូង

 សម្រាប់អ្នកដែលបានទស្សនាបាល់ទាត់ថ្ងៃផ្តាច់ព្រាត់​​ប្រហែលជាមិនទាន់ភ្លេចទេ​ នូវថ្ងៃដែល​​មានមួយក្រុម​ឈ្នះនាំគ្នាសប្បាយហ៊ោពេញកីទ្បាដ្ឋានប្រទេសរ៉ូស្ស៊ី​ ខណះដែលមួយក្រុមទៀត​បានចាញ់​ហើយយំស្ទើរ​តែមិនចេញ ​ក្រោមដំណក់ភ្លៀងដែលឥតមេត្តា​ប្រហារចិត្ត​របស់អ្នកចាញ់។ អ្នកដែលឈ្នះនោះគឺក្រុមមាន់គកបារាំង​ដែលបានឈ្នះពានបាល់ទាត់ពិភពលោក​លើកទី២​ហើយ​ក្នុងប្រវត្តិសាស្រ្តរបស់ខ្លួន។ ​បារាំង​បានឈ្នះយក់ពានទៅផ្ទះ​ជាមួយនឹងរង្វាន់ជាទឹកប្រាក់រហូតដល់​ជាង​៣៨លានដុល្លារ។ រីឯ​ក្រូអាតវិញ​ក៏ទទួលបានរង្វាន់រាប់សិបលានដុល្លារទៅផ្ទះវិញដែរ​ទោះជាប់លេខ២​ក៏ដោយ​តែអ្វីដែលក្រូអាតទទួលបានពានមួយទៀតដែលធំជាងបារាំងនោះគឺពានបេះដូង។ ថ្ងៃដែលភ្លៀងនោះ​​ប្រធានាធិបតី​ប្រទេស​ក្រូអាត​គឺលោកស្រី​ Grabar-Kitarovic បានសម្តែង​ភាសាបេះដូង​របស់គាត់​គាំទ្រ​ក្រុម​ក្រូអាត​ ទោះ​ពួកគាត់មិនឈ្នះពានលេខ១ក៏ដោយ។​ គាត់បានចេញទាំងមិនខ្វល់ពីដំណក់ទឹកភ្លៀងទ្បើយ​ មិនខ្វល់ទោះត្រូវខូចម៉ូតសក់ គឺគាត់បានចេញ​ទៅស្វាគមន៍​អោប​លួងចិត្ត​ដល់កីទ្បាករទាំងអស់​ដែលបានចាញ់​ទាំងមិនអស់ចិត្ត។​ នៅជាមួយគ្នានោះ​ដែរ​មានប្រធានាធិបតីរបស់ប្រទេសបារាំង​និង​រ៉ូស្ស៊ី​នៅទីនោះដែរ​តែ​ពួកគាត់មានឆ័ត្រ​ត្រូវបានយកមកបាំងជូន​ខណះ​ដែលលោកស្រី​មិនរង់ចាំឆ័ត្រទ្បើយ​ គាត់ស្ទុះចេញទៅទទួលក្រុមកីទ្បាករ​គាត់​ដោយអារម្មណ៍ក្តុកក្តួល។ អារម្មណ៍ដែលលោកស្រី Grabar-Kitarovic បានសំដែងនេះបានធ្វើអោយប្រជាជនក្រូអាតកក់ក្តៅ​ហើយទប់ទឹកភ្នែកមិនបានទ្បើយ​រំភើបព្រោះ​មានប្រធានាធិបតីដែល​មិនខ្វល់ពីបរាជ័យ ​មិនខ្វល់ពីឋានះ​របស់​ខ្លួន​ស៊ូកាត់ភ្លៀង​ដើម្បីលួងចិត្តក្រុមកីទ្បាករ។​ ហើយមានរឿងដែលគួរអោយរំភើបជាងនេះទៅទៀតនោះ​គឺ​គាត់មិនមែនទទួលអោបតែក្រុមក្រូអាតទេ ​សូម្បីក្រុមដែលជាគូប្រកួត​គាត់ក៏អោបអបអរដែរ។ ​នេះ​ពិតជា​កម្រណាស់​ព្រោះមិនងាយនឹងមាន​អ្នកចាញ់​នៅមានអារម្មណ៍កក់ក្តៅ​មកអបអរ​អ្នកឈ្នះ​ដែលជាគូប្រកួត​របស់ខ្លួន​នោះទ្បើយ។ ( លើកទឹកចិត្តកូនក្រុមទោះពួកគេធ្វើបានជោគជ័យឬបរាជ័យក៏ដោយ ) ( រកស៊ីឬធ្វើការអោយគេក៏ដោយ​អ្នកត្រូវប្រើបេះដូងអោយបានច្រើន ) ( ទឹកចិត្តសំខាន់ជាងទឹកលុយ )....។