១២រឿងគួរធ្វើពេលទំនេរ ដើម្បីឱ្យអ្នកមានគំនិតឆ្នៃប្រឌិតខ្ពស់
១. ស្ដាប់ចម្រៀង
វាអាចជាចម្រៀងគ្រប់បែបមិនថា បុរាណ សម័យអីទេ ឬក៏ភ្លេងសុទ្ធក៏បានដែរ សាកប្ដុររសជាតិ។ វាអាចជួយឱ្យខួរក្បាលអ្នកធូរស្រាលសម្រាក។
២. អានសៀវភៅ
មានអ្វីៗដែលល្អៗជាច្រើននៅក្នុងសៀវភៅ វាក៏ជួយឱ្យអ្នកស្រមើ ស្រម៉ៃ នឹកឃើញនូវអ្វីប្លែកៗដែរ។ ព្យាយាមអាននិង បណ្តុះទម្លាប់អានទៅ វាជាទម្លាប់ល្អ ជួយអ្នកច្រើនណាស់។
៣. ដើរចេញក្រៅ
ការដែលនៅតែមួយកន្លែងពេញមួយថ្ងៃមិនមែនជារឿងល្អនោះទេ។ ចេញទៅក្រៅ ស្រូបយកខ្យល់អាកាស ជួបមនុស្សថ្មីៗ និង ប្រាស្រ័យទាក់ទង បង្កើតមិត្តភក្តិ។
៤. កត់ទុកនូវអ្វីដែលអ្នកនឹកឃើញ
ក្នុងមួយថ្ងៃៗមានរឿងច្រើន មានគំនិតច្រើនណាស់ដែលផុសឡើង តែជួនកាលគំនិតនោះត្រូវបាន បាត់ទៅវិញដោយសារតែយើងមិនដែលកត់វាទុក។ សាកកត់វាទុក អាចថាដាក់លើក្រដាសក៏បាន កម្មវិធី Note ក្នុងទូរស័ព្ទក៏បាន។ កុំខ្វល់ថាគំនិតនោះយ៉ាប់ប៉ុណ្ណា កត់ទុកសិនទៅ។
៥. ចាប់អារម្មណ៍រឿងតូចៗ
អាចថា ចាប់របស់មួយដែលនៅខាងមុខអ្នក ហើយគិតថារបស់មួយណឹងអាចប្រើវាធ្វើអ្វីបានខ្លះ ចេះតែពង្រីកគំនិត។ ការដែលឧស្សាហ៍គិតបែបនេះនឹងជួយឱ្យអ្នករកនឹកឃើញនូវគំនិតប្លែកៗឆ្នៃប្រឌិត ថាមិនត្រូវលេចចេញគំនិតសម្រាប់ធ្វើអាជីវកម្មទៀត។
៦. មើលYouTube
មានវីឌីអូច្រើននៅលើយូធូប មិនមែនថាមើលទៅល្អទាំងអស់នោះទេ។ យើងណែរនាំឱ្យអ្នកទាំងអស់គ្នាមើល នូវវីឌីអូដែលជួយឱ្យអ្នកពង្រឹងជំនាញរបស់អ្នក វីឌីអូជម្រុញទឹកចិត្ត ឬក៏ វីឌីអូចែករំលែកពីវាគ្មិន បុគ្គលជោគជ័យល្បីៗទូទាំងពិភពលោក។
៧. លេងរបស់លេង
អ្នកប្រហែលជាគិតថាធំហើយលេងរបស់ក្មេងទៀត គ្មានជួយអីទេ។ ប៉ុន្តែបើអ្នកមើលទៅការិយាល័យរបស់ពួកក្រុមហ៊ុនបច្ចេកវិទ្យា ក្រុមហ៊ុនដែលធ្វើការទាក់ទងនឹងការរចនា ការឆ្នៃប្រឌិត នៅការិយាល័យរបស់គេសម្បូរទៅដោយរបស់លេងប្លែកៗ។
៨. គូសវាស
មិនមែនគ្រប់គ្នាសុទ្ធតែគូសបានស្អាតទេ តែចំណុចនេះមិនតម្រូវឱ្យអ្នកយករូបទៅគូសប្រកួតប្រជែងឯណាទេ។ សាកយកខ្មៅដៃឬប៊ិកមកគូសនូវអ្វីដែលអ្នកគិត ឬក៏រៀនគូរតាមគេ គូសតាមដែលអ្នកចង់គូស។ មានការសិក្សាជាច្រើនបានបង្ហាញថាការគូសវាសនេះចូលរួមចំណែកខ្លាំងក្លាដែរក្នុងសមត្ថភាពនៃការគិតបែបឆ្នៃប្រឌិត។
៩. រៀបចំ
វានឹងបន្ធូរបន្ថយអារម្មណ៍តានតឹងនៅក្នុងចិត្តអ្នក ម្យ៉ាងវិញទៀត បរិស្ថានជុំវិញអ្នកដែលរញ៉េរញ៉ៃក៏មិនបានជួយអ្វីដែរ។ ហេតុនេះរៀបចំបន្ទប់ការិយាល័យ បន្ទប់គេង ឬបន្ទប់រៀនទៅ អ្នកនឹងមានអារម្មណ៍ថាហាក់ដូចជាធូរក្នុងអារម្មណ៍បន្តិចទៅ។
១០. រៀនជំនាញអ្វីមួយទៀតថ្មី
វាអាចជាការទៅរៀនភាសាមួយទៀត រៀនកុំព្យូទ័រ សរសេរកូដ ថតរូប កែកុនរូប រចនា ដេប៉ាក់ ឬរឿងផ្សេងទៀតដែលអ្នកមិនចេះ។
១១. គេងថ្ងៃ ២០នាទី
ការដែលតម្រេតខ្លួនគេងពេលថ្ងៃ២០នាទីនេះ ជួយឱ្យខួរក្បាលអ្នកស្រស់ថ្លាល្អ។
១២. ចេញឆ្ងាយពីគ្រឿងអេឡិចត្រូនិក
មានដូចជាទូរស័ព្ទ កុំព្យូទ័រអីជាដើមណឹង។ សាកចំណាយពេលរស់នៅដោយគ្មានវាបន្តិចទៅ។
0.000 SRY