# ទន្លេមេគង្គ ឬមេទន្លេ

      មេគង្គជាទន្លេដ៏សំខាន់មួយមានប្រវែង ៤២០០គមជាទន្លេវែងជាងគេនៅអាសុីអាគ្នេយ៍ និងជាទន្លេវែងទី១០នៅលើពិភពលោក។ > ហូរចរញពីខ្ពង់រាបទីបេ ទន្លេមេគង្គមានប្រភពខ្ពស់រាបទីបេ ត្រង់កំពស់៥០០០ម ហើយហូរកាត់ខេត្តយូណាននៃប្រទេសចិន ប្រទេសមីយ៉ាន់ម៉ា(ភូមា) ថៃ ឡាវ កម្ពុជា និងវៀតណាម។ តាមបណ្តាប្រទេសដែលវាហូរកាត់ទន្លេមេគង្គមានឈ្មោះផ្សេងៗគ្នា។ នៅប្រទេសចិន ទន្លេមានឈ្មោះ ឡានកានចាង(ទន្លេរំជួល)។ នៅថៃនិងឡាវឈ្មោះ ម៉ែវណាមគង់(មេទឹក)។ នៅកម្ពុជាឈ្មោះ ទន្លេធំ។ នៅវៀតណាមឈ្មោះ គូលួង(នាគ៩)។ ទឹកទន្លេមេគង្គចាប់ឡើងពីខែឧសភាដល់ខែតុលា ហើយស្រកទៅវិញនៅរដូវប្រាំងពីខែវិច្ឆិកាដល់ខែមេសា។ ជារៀងរាល់ឆ្នាំ ទន្លេមេគង្គហូរនាំទឹកប្រមាណ៤៧៥ ០០០លានម៣ ចាក់ចូលទៅក្នុងសមុទ្រចិនខាងត្បូង ដោយបង្កើតបាន"ដីដណ្ត"ដ៏ធំមួយនៅវៀតណាមភាគខាងត្បូង។ • អាងទន្លេមេគង្គ នៅរដូវជំនន់"អាងទន្លេ"មេគង្គមានទរពេញព្រៀបទំហំរាប់សិបដងធំជាងផ្ទៃពោះទន្លេ។ ផ្ទៃទឹកដ៏ធំល្វឹងល្វើយជាងគេ ស្ថិតនៅតំបន់ក្បាលនាគ៩ គឺតំបន់ដីសណ្តនៅវៀតណាម។ ទន្លេមេគង្គហូរនាំយកសារជាតិសំបូរបែប និងដីល្បាប់មានជីរជាតិសំរាប់កសិកម្មទៅផ្តល់ឲ្យតំបន់នានា មុននឹងហូរចូលទៅក្នុងសមុទ្រ។ ប្រព័ន្ធទន្លេមេគង្គជាប្រភពធនធានធម្មជាតិដ៏សំបូរបែបដូចជា ព្រៃឈើ សត្វព្រៃ រ៉ែ ទឹក លើដីនិងក្រោមដី ត្រី សត្វក្នុងទឹក ជីវសាស្រ្តចំរុះក្នុងទឹក ធនធាន"តំបន់ដីសើម" និងល្បាក់ទឹកសំខាន់ៗសំរាប់ការសង់ទំនប់វារីអគ្គិសនី...។ ធនធានដ៏សំបូរបែបទាំងនេះ ធ្វើឲ្យទន្លេមេគង្គមានសារសំខាន់ពុំចាញ់ទន្លេវែងៗទាំងឡាយ នៅលើពិភពលោកឡើយ។ • គណៈកម្មការទន្លេមេគង្គ គណៈកម្មការទន្លេមេគង្គ ជាអង្គការ"អន្តររដ្ឋាភិបាល" ដើម្បីគ្រប់គ្រងនិងអភិវឌ្ឍធនធានទឹក និងធនធានពាក់ព័ន្ធទេកទន្លេមេគង្គភាគខាងក្រោម ព្រមទាំងជំរុញការអភិវឌ្ឍវិស័យសេដ្ឋកិច្ច និងសង្គម។ គណៈកម្មការនេះ ត្រូវបានបង្កើតឡើងនៅឆ្នាំ១៩៥៧ ដោយមានប្រទេសកម្ពុជា ថៃ ឡាវ និងវៀតណាមជាសមាជិក៕