សនិ្នបាតបូកសរុបសភាពការណ៍ ឆ្នាំ២០១៨ និងភារកិច្ចទិសដៅឆ្នាំ២០១៩ របស់ស្នងការនគរបាលខេត្ត

    រសៀលថ្ងៃទី១៤ ខែមីនា ឆ្នាំ២០១៩ នៅបណ្ណាល័យខេត្តកំពង់ស្ពឺ ខ្ញុំបានចូលរួមពិធីបិទសនិ្នបាតបូកសរុបវាយម្លៃសភាពការណ៍ លទ្ធផលកិច្ចប្រតិបត្តិការ ឆ្នាំ២០១៨ និងភារកិច្ចទិសដៅឆ្នាំ២០១៩ របស់ស្នងការនគរបាលខេត្ត និងការតែងតាំង ផ្ទេរភារកិច្ចស្នងការរង៣នាក់ និងបំពាក់ឋានរន្តសក្តិ ៣០នាក់ផងដែរ។ សមាសភាពអ្នកចូលរួមក្នុងពិធីមានប្រធាន អនុប្រធានមន្ទីរ អង្គភាពជុំវិញខេត្ត សរុបចំនួន២៣៨នាក់ ក្រោមអធិបតីភាពឯកឧត្តម តេង សួន អគ្គស្នងការរងនគរបាលជាតិ និងឯកឧត្តម វ៉ី សំណាង អភិបាលនៃគណអភិបាលខេត្ត។ ចុងបញ្ចប់ឯកឧត្តម​ បាន​ស​ង្គ​ត់​ធ្ងន់​ថា​ ៖​ នៅ​ឆ្នាំ​២០១៩​នេះ​ ប្រទេស​កម្ពុជា​យើង​ អាច​ប្រឈម​ទៅ​នឹង​ការ​ខ្វះខាត់​ទឹក​សម្រាប់​ប្រើប្រាស់​ ហើយ​កន្លង​ទៅ​ប្រមុខ​រាជរដ្ឋាភិបាល​កម្ពុជា​ បាន​ចេញ​សារ​ច​ណែនាំ​ស្តី​ពី​ការ​ថែរក្សា​ទឹក​ទុក​សម្រាប់​ប្រើប្រាស់​ ដោយ​មិន​អនុញ្ញាត​ឲ្យ​មានការ​បង្កបង្កើត​ផល​ស្រូវប្រាំង​ជា​លើក​ទី​២​នោះ​ទេ​ ដោយ​ត្រូវ​រក្សា​ទុក​ទឹក​ សម្រាប់​ប្រើប្រាស់​ប្រចាំ​ថ្ងៃ​ អនុញ្ញាត​ឲ្យ​តែ​ដំណាំ​រួម​ផ្សំ​ក្រៅពី​ដំណាំ​ស្រូវ​ ។​ ហើយ​គ្រប់​ស្ថាប័ន​ពាក់​ពាក់ព័ន្ធ​ត្រូវ​ត្រៀម​ឲ្យ​បានជា​ស្រេច​ ដើម្បី​ជួយ​សង្គ្រោះ​ និង​ដោះស្រាយ​ទឹក​ជូន​ប្រជាពលរដ្ឋ​ឲ្យ​បាន​ទាន់​ពេលវេលា​។