សោភា ទេពី ទទួលការងារថ្មីទោះជានឿយហត់ឈឺយ៉ាងណាក៏ទ្រាំដែរ
សោភា ទេពី ទទួលការងារថ្មីទោះជានឿយហត់ឈឺយ៉ាងណាក៏ទ្រាំដែរ
ដោយៈ វីរៈ
ភ្នំពេញ៖ អតីតបេក្ខជនដែលលេចធ្លោក្នុងកម្មវិធីខេមបូឌាអាយដលរដូវកាលទី៣កញ្ញា សោភា ទេពី បានបង្ហាញមុខក្នុងសកម្មភាពថ្មីផ្នែកខាងសម្តែងដែលទើបបានឱកាសថ្មីៗ ។ ខណៈលេចធ្លោក្នុងទីផ្សារសិល្បៈ និងត្រូវប៉ាន់ជាមួយការងារទើបនាងព្យាយាមចាប់យករហូត ហត់នឿយបែបណាក៏ទ្រាំទាល់តែឈឺអស់កម្លាំងក៏នៅតែធ្វើ។
ស្រីស្អាតសាច់ទ្រលក់ទ្រលន់ កញ្ញា សោភា ទេពី ផ្តើមឲ្យទស្សនិកជនចាប់ផ្តើមស្គាល់ក្រោយពេលនាងប្រឡងចម្រៀងលំដាប់ ពិភពលោកនៅទូរទស្សន៍ហង្សមាសចូលវគ្គជើងខ្លាំង១២រូបវគ្គផ្សាយបន្តផ្ទាល់ដែលអាចធ្វើឲ្យអ្នក ឆ្លងដល់វគ្គមួយនេះឆាប់ល្បី។
តារាចម្រៀងវ័យក្មេងរូបនេះ បានឆ្លងកាត់វគ្គផ្សាយផ្ទាល់តែ៥សប្តាហ៍ត្រូវចាកចេញ។ បើទោះជា នាងមិនអាចបន្តទៅមុខតែត្រូវបានស្ថានីយ៍ទូរទស្សន៍នានាហៅសម្តែងច្រៀងព្រោះនាងមានសំឡេងធ្ងន់ស្ទីលច្រៀងបែបរ៉ុកជាមួយក្បាច់រាំកាន់តែលេចធ្លោ។
ជាមួយគ្នានោះដែរ កញ្ញា សោភា ទេពី បាននិយាយថា ក្រោយបញ្ចប់ការប្រឡងមកសិល្បៈរបស់នាងរៀងលូតលាស់ ប្លែកច្រើនដោយសារតែឃើញមានបងប្អូនជួយគាំទ្រក៍ដូចជាបណ្តាស្ថានីយទូរទស្សន៍នានាទាក់ទងហៅឡើងច្រៀងជាបន្តបន្តគ្នាពិតជាសមតាមបំណងដែលបានព្យាយាម។ទេពីបានលើកឡើងទៀតថាក្រោយពេលរវល់ពេកបែរជាហត់នឿយចេញទៅសម្តែងពេលខ្លះទៅទាំងឈឺក៏មានតែចេះខំញញឹមដោយសារតែការព្យាយាមរបស់យើងបានដើរទៅមុខ។
តារាសម្តែងរូបនេះបានបង្ហើបថា បើទោះជានាងជួបបញ្ហាសុខភាពមួយចំនួនមែនតែនាងនៅប្រឹង បែកចែកឲ្យបានល្អការសម្តែងលើឆាកត្រូវតែបង្កការរីករាយក្រោយឆាកទុកមួយអន្លើសិន។ជាក់ ស្តែងការមកសម្តែងនៅកម្មវិធីតន្ត្រីខារ៉ាបាវរបស់ប៉ុស្តីលេខ៥នាងអស់កម្លាំងពីខ្លួនការងារជាប់ៗគ្នាប៉ុន្តែនាងមិនដកថយទេត្រូវតែបង្ហាញស្នាដៃទោះជាបែបណានៅតែច្រៀងរាំរហូតទាល់តែចប់កម្មវិធី។ជាមួយបញ្ហាសុខភាពចុងសប្តាហ៍នេះស្រីស្អាតសាច់ទ្រលក់ទ្រលន់សោភាទេពីត្រៀមបង្ហាញ វត្តមាននៅលើកញ្ចក់ទូរទស្សន៍ភីអិនអិនជាតន្ត្រីផ្សាយផ្ទាល់ធំមួយ៕
0.000 SRY