សុខ ស្រីម៉ុច សាងឈ្មោះល្បីក្នុងសិល្បៈងាកមកធ្វើការងារមនុស្សធម៌
សុខ ស្រីម៉ុច សាងឈ្មោះល្បីក្នុងសិល្បៈងាកមកធ្វើការងារមនុស្សធម៌ និងកិច្ចការសង្គម
ដោយ៖ វីរៈ
ភ្នំពេញ៖ តារាសម្តែង កញ្ញា សុខ ស្រីម៉ុច បានបង្ហាញស្នាដៃសម្តែងបានជាច្រើនរឿងមកហើយ ធ្វើឱ្យការងារសិល្បៈអាចឈរឈ្មោះក្នុងសិល្បៈបាន ជំហ៊ានថ្មីមួយទៀត ជាមួយភាពមនុស្សធម៌ ដើរពន្យល់មិត្តភក្តិ នៅក្នុងនិងក្រៅស្រុក ជួយផ្តល់ទឹកចិត្តបរិច្ចាគការងារសង្គម ជូនជនពិការ កុមារកំព្រា។
ពេលនេះ កញ្ញា សុខ ស្រីម៉ុច បានសហការជាមួយក្រុមការងារបង្កើតកម្មវិធី ចុះចែកអំណោយ ផ្សេងៗ មានសម្ភារ ថវិកាមួយចំនួន ដែលជាការរៃអង្គាសគ្នាពីសប្បុរសជនស្គាល់គ្នា យកទៅជូន “អង្គការសង្គ្រោះជនពិការនិងកុមារកំព្រាកម្ពុជា” ស្ថិតនៅម្តុំវត្តក្រាំងធ្នង់ ។
តារារូបស្រស់រូបនេះ បានបញ្ជាក់ថា កាលពីពេលថ្មីនេះ នាង និងក្រុមការងារ សិល្បករមួយចំនួន បានសហការគ្នាបង្ហាញទឹកចិត្តជួយម្នាក់បន្តិចៗ មានសម្ភារ ថវិកា យកទៅចែកដល់កុមារជនពិការ ខាងលើដោយផ្ទាល់ ក្នុងបរិយាកាសរីករាយ និងស្និទ្ធស្នាល។
កញ្ញា សុខ ស្រីម៉ុច បានប្រាប់ថា សម្ភារ រួមមាន អង្គរ មី ត្រីខ ប៊ិច សៀវភៅជាដើម។ ទាំងអស់ នេះ មិនមែនជារបស់នាងទាំងស្រុងទេ គឺបានមកពីមិត្តភក្តិរាប់អាន និងសប្បុរសជននានា នៅក្នុង និងក្រៅស្រុក ដែលមានចិត្តបុណ្យលះបង់ទាំងពេលវេលា និងធនធានផ្ទាល់ខ្លួនជួយអ្នក ក្រីក្រ ក្នុងពេលដែលពួកគាត់ ពិតជាត្រូវការអ្នកជួយ ដើម្បីរស់រានដូចមនុស្សដទៃទៀតនេះជាទឹកចិត្តកម្រ បានឃើញ។ នាងនៅតែបន្តសកម្មភាពនេះជាបន្ត ជាជំហ៊ានក្រោយពេលរកអ្នកជួយបាន ហើយនឹងចុះចែកអំណោយបន្តទៀត ដល់អង្គការផ្សេងៗ តាមសភាពជាក់ស្តែងរំលែកក្តីស្រឡាញ់ ទៅវិញទៅមក៕
0.000 SRY