បាន មុន្នីលក្ខណ៍ មានទម្រង់មុខស្រស់ស្អាតប្លែកកាន់តែទាក់ទាញ
បាន មុន្នីលក្ខណ៍ មានទម្រង់មុខស្រស់ស្អាតប្លែកកាន់តែទាក់ទាញក្រោយកែសម្រស់បន្ថែម
ដោយៈ វីរៈ
ភ្នំពេញៈ តារាចម្រៀងប្រចាំផលិតកម្មហង្សមាស បាន មុន្នីលក្ខណ៍ មានទម្រង់មុខស្រស់ស្អាតប្លែកហើយការតុបតែងខ្លួនក៏កាន់តែទាន់សម័យជាងមុនទៀត ក្រោយកែបន្ថែមច្រមុះមួយរយៈមុន ។
ដោយឡែកសម្រាប់តារាចម្រៀងប្រចាំផលិតកម្មហង្សមាស បាន មុន្នីលក្ខណ៍ បានឱ្យដឹងថា មូលហេតុនាងសម្រេចកែបន្ថែម ខ្ទង់ច្រមុះគឺដើម្បីយកហុងស៊ុយជាពិសេសដើម្បីឱ្យសម្រស់កាន់តែស្រស់ស្អាតប្លែកជាងមុន ។ ខណៈតារាស្រីប្រុសជាច្រើនបានងាកមកកែបន្ថែមរូបសម្រស់ដែលជាចំនុចខ្វះខាតរបស់ខ្លួនដែលមានដូចជាច្រមុះ ចាក់ចង្ការ និងវះកាត់ថ្គាមជាដើម និងមានហុងស៊ុយល្អជាងមុន។
ជាការពិតក្រោយកែបន្ថែមខ្ទង់ច្រមុះគេសម្គាល់ឃើញថា បាន មុន្នីលក្ខណ៍ កាន់តែមានសម្រស់ស្អាតប្លែកនិងទាក់ទាញជាងមុន ។ អ្នកគាំទ្រជាច្រើនសុទ្ធតែសរសើរពីសម្រស់ស្អាតរបស់នាងក្រោយកែបន្ថែមខ្ទង់ច្រមុះដែលធ្វើឱ្យនាងសប្បាយចិត្តមិនតិចទេ ។ ក្នុងនោះស្រីស្អាតរូបនេះរំពឹងថាប្រជាប្រិយភាពក៏ដូចជាហុងស៊ុយរបស់នាងនិងរីកទូលាយជាងមុន ។
សូមជម្រាបថា ស្រីស្រស់សាច់ខ្ចី កញ្ញា បាន មុន្នីលក្ខណ៍ ត្រូវបានគេចាត់ទុកជាតារាចម្រៀងដែលមានឈ្មោះបោះសម្លេងគួរសម ។ នាងអាចច្រៀងបានយ៉ាងពីរោះមិនថាបទពីដើម ឬបទសម័យទេ ជាពិសេសកាលពីប៉ុន្មានខែមុននាងបានច្រៀងបទជាភាសាថៃយ៉ាងពីរោះមួយបទដែលមានអ្នកចូលទស្សនារហូតដល់ខ្ទង់លាននាក់ថែមទៀត។ ក្នុងនោះក៏មានអ្នកខ្លះសរសើរថាពីរោះមិនចាញ់ម្ចាស់ដើមប៉ុន្មានឡើយ ៕
0.000 SRY