ប្រព័ន្ធបញ្ចេញទឹកភ្លៀងក្រោមដីនៅជប៉ុន

 ដើម្បី​ទប់ស្កាត់​ការ​កើន​ឡើង​នៃ​ចំនួន​ទឹកភ្លៀង​ដែល​ធ្លាក់​មក​លើ​ទីក្រុង​តូក្យូ​ជា​រៀង​រាល់​ឆ្នាំ វិស្វករ​សំណង់​ស៊ីវិល បាន​បង្កើត​ប្រព័ន្ធ​ក្រោម​ដី​ដ៏​ធំ​សម្បើម​មួយ ដើម្បី​បញ្ជូន​ទឹក​ជន់​លិច​ទាំង​នោះ​ចេញ​ពី​ទីក្រុង។ប្រព័ន្ធ​ក្រោម​ដី​នោះ​ត្រូវ​បាន​គេ​ហៅ​ថា Metropolitan Area Underground Discharge Channel ដោយ​មាន​ប្រព័ន្ធ​ផ្លូវ​ដាច់​ដោយ​ឡែក​ចំនួន ៥ ដែល​បញ្ជូន​ទឹក​ភ្លៀង​លើស​កំណត់​ចេញ​ពី​ទីក្រុង ចូល​ទៅ​ក្នុង​ទន្លេ Arakawa និង​ទន្លេ​ដទៃ​ផ្សេង​ទៀត​ដែល​ស្ថិត​នៅ​ជុំវិញ​នោះ។ លើស​ពី​ប្រសិទ្ធភាព​របស់​វា អ្វី​ដែល​ធ្វើ​ឲ្យ​ប្រព័ន្ធ​ខាងលើ​កាន់​តែ​អស្ចារ្យ គឺ ទំហំ​នៃ​រចនាសម្ព័ន្ធ​របស់​វា។ ប្រព័ន្ធ​ក្រោម​ដី​នេះ​មាន​ប្រវែង ១៧៧ម៉ែត្រ និង ទទឹង ៧៨ម៉ែត្រ ដែល​អាច​បញ្ជូន​ទឹក​ភ្លៀង​ចេញ​ពី​ទីក្រុង ជិត ២០០ម៉ែត្រ​គូប​ក្នុង​មួយ​វិនាទី៕     ដោយ : សេង ឡុង