សម្តីទឹកឃ្មុំ (ធម្មបរិយាយ)
សម្តីដូចម្តេចទើបបាននាមថាជាមធុវាចា?
៊៊៊៊៊៊៊៊៊៊៊៊៊៊៊៊៊៊៊៊៊៊៊៊៊៊៊
សម្តីស្រទន់ ផ្អែមល្ហែម មិនបង្កាច់បង្ខូចអ្នកដទៃ ពោលពាក្យជាសោមនស្សរីករាយដល់អ្នកស្តាប់ មិនពោលពាក្យបាបអាក្រក់ មានមុសាវាទជាដើម ឬពោលតែកថាវត្ថុ១០យ៉ាងដែលជាគុណប្រយោជន៍យ៉ាងពិសេស ទាំងអស់នេះលោកចាត់ចូលជាមធុវាចា។
បិដកលេខ ៨៣ បានសម្តែងថា ៖
- បុគ្គលខ្លះក្នុងលោកនេះ ជាអ្នកពោលវាចាមិនមានទោស ដែលនាំមកនូវសេចក្តីសុខដល់ត្រចៀក គួរជាទីស្រលាញ់ ពេញហឫទ័យ ជាវាចាអ្នកក្រុង ជាទីត្រេកអរនៃជនច្រើន ជាទីពេញចិត្តនៃជនច្រើន ហៅថា បុគ្គលមានសម្តីដូចទឹកឃ្មុំ ។
ក្នុងគម្ពីរមង្គលសូត្រ ព្រះបរមសាស្តាទ្រង់ត្រាស់ថា
វាចាដែលបុគ្គលពោលដោយប្រពៃប្រកបដោយប្រយោជន៍ជាមង្គលដ៏ឧត្តម។
វាចាទាំង១០ប្រការនោះគឺៈ
១-ពោលអំពីសេចក្តីដឹងនូវធម៌ជាគ្រឿងរលត់ទុក្ខគឺព្រះនិព្វាន
២- ពោលអំពីសមាធិប្រកបដោយប្រយោជន៍១០យ៉ាង
៣- ពោលអំពីការមិននៅច្រឡូកច្រឡំដោយពួកដោយក្រុម
៤- ពោលអំពីការតាំងប្រារព្ធសេចក្តីព្យាយាម
៥-ពោលអំពីសីល ៦-ពោលអំពីបញ្ញា
៧- ពោលអំពីព្រះនិព្វាន
៨-ពោលអំពីហេតុនាំឱ្យមានសេចក្តីប្រថ្នាតិច
៩-ពោលអំពីការស្ងាត់កាយស្ងាត់ចិត្ត
១០-ពោលដោយសេចក្តីសន្តោស ។
វាចាទាំង១០យ៉ាងនេះជាពាក្យប្រកបដោយប្រយោជន៍នាំសត្វលោកឱ្យដើរទៅរកសេចក្តីសុខតរៀងទៅ ៕
[
សម្តីរម្យទម សម្តីទឹកឃ្មុំ អប់រំទូទៅ
សម្តីកំហូច ដូចសម្តីស្រូវ សម្តីហុយត្រូវ
នាំស្កៀបរមាស់ ! ]
អនុមោទនា...
0.000 SRY