#ឈ្លោះគ្នាសប្បាយចិត្តទេ?

 តើមានគូស្នេហ៍ប៉ុន្មានគូ​ មិត្តភក្តិប៉ុន្មាននាក់​ និងមនុស្សដែលមានចំណងមិត្តភាពជាច្រើនរូបកំពុងតែឈ្លោះគ្នា​ បែកបាក់គ្នា?​ តើមូលហេតុអ្វីបណ្តាលឱ្យមានរឿងបែបនេះកើតឡើង?​ 👉សួរខ្លួ​នឯងថាទម្រាំពួកយើងរាប់អានគ្នា​ ស្គាល់គ្នា​ ជិតស្និទ្ធគ្នា​ ស្រលាញ់គ្នាដល់ដំណាក់កាលនៅថ្ងៃនេះ​ តើយើងបានឆ្លងកាត់អ្វីខ្លះមក?​ ជួបឧបសគ្គអ្វីខ្លះ?​ មា​នអនុស្សាវរីយ៍អ្វីខ្លះ?​ ហេតុអ្វីពេលខ្លះបណ្តាលឱ្យរឿងរ៉ាវតិចតួចអាចបំបែកបំបាក់អ្នកបាន?​ 😰ស្តាយពេលវេលាទេ?​ ស្តាយមនុស្សដែលនៅជិតទេ?​ ស្តាយអ្វីៗដែលធ្លាប់បានសាងរួមគ្នាទេ?​ ចាំទេតើថ្ងៃដែលយើងមានស្នាមញញឹម​ ចាំទេពេលដែលយើងសើចរួមគ្នា​ ចាំទេអ្វីៗដែលយើងធ្លាប់លះបង់ឱ្យគ្នា​ មិនថាទាំងពេលវេលា​ ចិត្ត​ គំនិត​ និងចិត្តស្មោះ?​ 👉ពេលឈ្លោះគ្នា​ ខឹងគ្នា​ ហេតុអ្វីមិនរម្លឹកពីអ្វីដែលម្ខាងទៀតធ្លាប់លះបង់ឱ្យយើង​ នឹកឃើញអំពើល្អរបស់គ្នាទៅវិញទៅមក​ ហើយសួរខ្លួ​នឯងថាតើចង់ឱ្យរឿងនេះកើតឡើងទេ?​ ចង់បាត់បង់គេទេ?​ ឈ្លោះគ្នាសប្បាយចិត្តទេ?​ រីករាយទេពេលដែលឃើញម្ខាងទៀតត្រូវយំរាល់ថ្ងៃ?​ ពេញចិត្តទេពេលឃើញម្នាក់ទៀតទឹកមុខពោរពេញដោយទុក្ខព្រួយ?​ តើអ្នកពិតជាចង់ឱ្យគ្រប់យ៉ាងបញ្ចប់ដោយងាយស្រួលបែបនេះមែនទេ?​ ☝️️បើសួរខ្លួនឯងហើយថាចំលើយអ្នកពិតជាមិនចង់ទេ​ ហេតុអ្វីមិនរកដំណោះស្រាយមួយឱ្យខ្លួនឯង?​ មានៈ​ រឹងរូស​ ធ្វើបែបនេះសប្បាយមែនទេ?​ បើគិតថាមិនសប្បាយហេតុអ្វីមិនបន្ទន់ឥរិយាបថខ្លះទៅ?​ ពេលខ្លះអ្វីដែលអ្នកគិតថាពិបាកវាប្រហែលជាងាយស្រួលពេលដែលអ្នកសម្រេចចិត្តថាធ្វើវា​ ដើម្បីឱ្យអ្វីៗត្រលប់មកល្អដូចដើម ។ ️️☝️️បើសួរខ្លួនឯងបានចម្លើយថា​អ្នកឆ្អែតចិត្ត​ អ្នកលែងចង់បន្តមិត្តភាពនេះហើយ​ អ្នកលែងត្រូវការម្ខាងទៀតហើយ​ បែបនេះសូមឱ្យអ្នកមកប្រើជីវិតដូចដើម​ រីករាយឱ្យបាន​ ញញឹមឱ្យបាន​ ហើយត្រូវតែមានជីវិតរីករាយដូចមុនទៀត។​  ជូនពរឱ្យមនុស្សគ្រប់គ្នាពេញចិត្តនឹងការសម្រេចចិត្តរបស់ខ្លួនឯង🙏🏻🙏🏻🙏🏻 ដោយ៖​ កវីលាក់ស្នេហ៍-ប្រលោមលោក