តើអ្នកធ្លាប់កត់សំគាល់...ទេ

🖤 តើអ្នកធ្លាប់កត់សំគាល់ទេ... ពេលឈ្លោះគ្នា ក្មេងៗខ្លះអាចអង្គុយស្ងៀម មិននិយាយ ឬបញ្ចេញមតិអ្វីទាំងអស់។ កុមារមួយចំនួនធ្វើដូចជាពួកគេមិនខ្វល់ មើលទៅឆ្ងាយ លេងជាមួយរបស់ក្មេងលេង ឬមើលទៅអ្វីមួយនៅពីមុខពួកគេ។ ប៉ុន្តែអ្នកដឹងទេ? ក្នុងភាពស្ងៀមស្ងាត់នោះ កុមារតូចចងចាំអ្វីៗគ្រប់យ៉ាង ប៉ុន្តែមិនដឹងថាត្រូវបញ្ចេញវាដោយរបៀបណា។

🖤 កុមារខ្លះយំខ្លាំងព្រោះខ្លាច… ប៉ុន្តែក្មេងខ្លះមិនយំទាល់តែសោះ គឺបានត្រឹមតែឈរស្តាប់ឪពុកម្តាយឈ្លោះគ្នាដោយចិត្តក្រៀមក្រំ។ តើអ្នកធ្លាប់សួរខ្លួនឯងទេ? តើកូនរបស់អ្នកបានធ្វើអ្វីខុស? 😖 កូនមិនបានសុំអ្នកកើតទេ។ ប៉ុន្តែអ្នកជាអ្នកដែលជ្រើសរើសបង្កើតកូន។

🖤 ពាក្យដែលអ្នកជេរដាក់គ្នា វាអាចគ្រាន់តែជាអារម្មណ៍មួយភ្លែត។ ប៉ុន្តែសម្រាប់កុមារតូច… វាជាសំលេងដែលនឹងបន្ទរក្នុងខួរក្បាលរបស់ក្មេងជាយូរឆ្នាំទៅមុខ។ រូបភាពឪពុកម្តាយធ្វើបាបគ្នា វាប្រហែលជាចប់ថ្ងៃនេះ ប៉ុន្តែក្នុងចិត្តក្មេង... វានឹងដក់ជាប់ក្នុងការចងចាំជារៀងរហូត។

🖤 ផ្ទះគួរតែជាកន្លែងដែលមានសុវត្ថិភាព។ វាជាកន្លែងដែលកូនៗចង់ត្រលប់មកវិញ។ វាមិនមែនជាសមរភូមិដែលពោរពេញទៅដោយបណ្តាសា និងទឹកភ្នែកនោះទេ។ បើថ្ងៃណាមួយកូនៗធំឡើងមិនជឿលើស្នេហា មិនជឿលើពាក្យ "គ្រួសារ" កុំបន្ទោសកូនៗអី...សូមក្រឡេកមកមើលខ្លួនឯងវិញផង។ តើអ្នកធ្លាប់ផ្តល់ក្តីស្រលាញ់ និងភាពកក់ក្តៅដល់កូនៗទេ?