អាល្លឺម៉ង់ អនុញ្ញាតឲ្យក្រុមហ៊ុន Audi និង Airbus ដាក់សាកល្បងហោះហើរតាក់សុីហោះ

 អាល្លឺម៉ង់៖ គំរូតាក់សុីហោះដែលរួមបង្កើតឡើងដោយក្រុមហ៊ុន Audi និង Airbus កំពុងតែប្រែក្លាយទៅជាការពិតហើយ។ រដ្ឋាភិបាលអាល្លឺម៉ង់បានអនុញ្ញាតឲ្យក្រុមហ៊ុនទាំងពីរ រួមសហការគ្នាសាកល្បងតាក់សុីហោះរបស់គេនៅក្នុងទីក្រុង Ingolstadt។ រដ្ឋមន្ត្រីដឹកជញ្ជូនលោក Andreas Scheuer មើលឃើញថាបច្ចេកវិទ្យាស្វ័យប្រវត្តិ រួមផ្សំជាមួយមធ្យោបាយធ្វើដំណើរថ្មីៗ នឹងផ្ដល់ឱកាសដ៏ល្អឲ្យក្រុមហ៊ុនផ្សេងៗបង្កើតផលិតផលថ្មីបាន។ តាក់សុីហោះក្រុមហ៊ុន Audi គេមិនទាន់បានបញ្ជាក់ពីកាលបរិច្ឆេទពិតប្រាកដ ដែលគេនឹងដាក់សាកល្បងតាក់សុីហោះនេះនោះទេ ក៏ប៉ុន្តែគេជឿជាក់ថា គេនឹងដាក់សាកល្បងភ្លាមៗនៅពេលដែលក្រុមហ៊ុនទាំងនេះសម្រេចបានផលិតផលគំរូមួយរួចរាល់។ តាក់សុីហោះក្រុមហ៊ុន Audi ការធ្វើឡើងដោយក្រុមហ៊ុន Audi និង Airbus នេះគឺធ្វើឡើងស្របពេលដែលដៃគូប្រជែងដ៏ធំរបស់គេ Uber កំពុងតែអភិវឌ្ឍតាក់សុីហោះយ៉ាងឆាប់រហ័ស ដែលនេះដាក់សម្ពាធដល់ក្រុមហ៊ុនអាល្លឺម៉ង់ទាំងពីរ ឲ្យខិតខំធ្វើការសម្រេចផលិតផលរបស់គេឲ្យបានលឿនជាងនេះទៅទៀត។ ការប្រកួតប្រជែងរវាងក្រុមហ៊ុនទាំងនេះ បង្ហាញថាតាក់សុីហោះនឹងក្លាយទៅជាការពិតនៅពេលឆាប់ៗខាងមុខនេះ៕ តាក់សុីហោះក្រុមហ៊ុន Uber ប្រភព៖ Khmerload.com